3.बाढ़
एक घड़ास समय पसें , घणस मनखं दुनियां मं रेवा लाग्यं अनें इं घणस दुष्ट अनें मारकूट करवां वालां थाई ग्यां। इं मनख घणस भूण्ड़ा थाई ग्या ऐतरें परमेश्वर वें ऐक निर्णय लिदों के अणी दनियां ने मोटाम मोटो पाणी नां उसाला थकी अणी हेती दनियां नें मटाड़ दें। पोण परमेश्वर नीं अनुग्रह नीं नजर नूह ने माथें बण ली हेती। नूह धरमी अनें तणां समय नां मनखं मं खरो हेतो। तरां परमेश्वर वे नूहा ने पाणी नां मोटा उसाला नां बारां मं केदू के अणी दनियां नें उसाला थकी नास (खत्म) करवा नों है। ऐतरे नूहा तूं एक मोटु नावड़ो बणावले परमेश्वर वे नूहा थकी केदु के तु अणा ढंग थकी नावडू बणावजे- 240 मीटर लाम्बों, 23 मीटर पोस्तों, अनें 13 5 मीटर ऊसों बणावजें अनें अणां नावड़ां नें लाखड़ा थकी बणावजें। अनें नावड़ां मं ऐक बारीं बणावजे। अनें एक हाथ माथे सत बणावजें अनें नावड़ा मं एक मेर बाएणों मेलजें , अनें नावड़ां मं पेलों , बीजों अनें तीजों खासों बणावजें। परमेश्वर वे नूहा ने केदु के तूं तारां परिवार नें हातें नावड़ां मं भराऐं जाजें अनें हंगळां जीवता जीव मांह तों ऐक -ऐक जात नं ढ़ान्ड़ा पखेरु उड़वा वाळं अनें घहेड़वा वाळं नें आपड़े हातें नावड़ां मं लें जाऐं नें जीवतां राखजें।परमेश्वर नी केवत ने माथे नूहा वे करयु। नूह अनें ऐने तीन सोरं वें नावड़ां नें बणायू , जेम परमेश्वर वे केदु हेथू ऐमस अणां मोटा नावड़ा नें बणावां मां घणास वर लागें ग्या। केमेके इं नावड़ों घड़ोस मोटो हेतो। नूहे वे मनखं ने बाढ़ नें बारां मं हीक आली अनें केदू के आपड़ा-आपड़ा मन-मायला ने परमेश्वर ने तरफ फेरो पोण कोणेस नूह नं केदेला माथे भरोहो ने करयोंनूह अनें ऐना घेरवालााऐं जनावरां हारु पूरो-पूरो खवानू भेल्यो करयु। जेरां हंगला तैयार हेता।तेरां परमेश्वर वे नूहा नें केदु के हावूं समय आवे ग्यों के तारी बईयेर, तीन सौरा , तीन वउवारियें, हाते हंगळा नावड़ां मं भरायें जो। इं हंगळा आठ मनखा हेता। परमेश्वर वे जमी माथे रगड़वा वाळा जनावरां ,अने उडवां वालां पखेरु हंगला नर नें मादा ने नूह कनें नावड़ां मं मोकल्या, केमके जेरां बाढ़ नें समय मं जीवतं रें सकें। परमेश्वर वे हंगला तरेह नं जनावरां ने हात-नर अनें हात मादा ने मोकल्या जीं कें भोग सड़ावां हारु काम आवें सके। तरां यं हेता नावड़ां मं सड़ी ग्या ऐनां बाद परमेश्वर वे नावड़ां नों दरवाजों बन्द कर दे दों।फेर धरती ऊपर पाणी पड़वू सलू थायू अनें दनियं मां पाणी सालीस दाड़ा अनें सालीस रातर होदों पड़तो रयों। दनियं नें ऊपर जल परलय थातूं ग्यो अनें पाणी सड़तों ग्यों अनें पाणी परथवी माथें घणोस वदी ग्यों अनी हेतीं परथवी नां मोटा-मोटा डोगरां हेता डूबी ग्यां अनें दनियामं उड़वां वाला पखेरु , अनें घेरमं रेवा वाला जनावरां, अनें परथवी माथें सालवां वाळां पराणी (जनावरा) अनें जेतरं जन्तू परथवी माथे भराई ग्यां हेता इं हेतं अनें हेतं मनखं मरी ग्यां जी नावड़ां मं हेतं त्यस जीवतं रयं। अनें नावड़ूं पाणी नें ऊपर सालवा लाग्यों अनें जी नावड़ां नें मय हेथं इं डुबवां ही वसी ग्यां।सालीस दांड़ा थाई ग्यां ऐने बाद नूहे वें ऐनां बणावलां नावड़ां नीं खिड़की खोली अनें ऐक कागड़ो पखेरु उड़ाव देदो, ऐतरे के इं देखवां हारु के परथवी माथे केतरु पाणी कम थायू हें कें नहें ,इं कागड़ों हुकीं जगां जोवां नें हारु अयं-वयेंं भमयों पोण हुकीं जगां नें मळीं । फेर नूहां वें पारेवड़ां पखेरु नें उड़ाव देदूं। पोण जरां पारेवड़ां नें परथवीं ऊपर पगलों मेनवां नें हारु खेतूं ऐं सहारों नहें मळों अनें पासु पारेवड़ूं नावड़ां मं आवें गयों। ऐनें बाद मं हांत दाड़ीं पसाड़ीं अणें तणांस पारेवड़ां नें पासों उड़ाव देदों। अनें जेरां पारेंवड़ूं हाज ने समय मं आवें गयों तें देख्यों कें ऐनीं सास मं जेतून नूं ऐक नवों पानदड़ों हें । ऐतरें नूहा वें जाणें लेदूं कें दनियां माहों पाणीं घटीं गयों हें। फेर अणें हांत दाड़ा अजू रोकायें नें तणीस पारेवड़ीं नें उड़ाव देदीं। अणीं वखत इ पारेवड़ी नावड़ांमं पासीं नहें आवें अनें नूहा वें जाणें कें दनियां मं पाणीं घटें गयों हें। बेयं मईनां पसाड़ीं परमेश्वर वें नूहां नें केदूं कें तारां सोरां ,बइयेर अनें वउवारियां नें हातें नावडां माहों नकळें आवों। परमेश्वर वें नूहा नें आसीस आली नें केदू फलों-फूलों अनें वदो अनें दनिया मं भराऐ जो। तेरा नूहा अनें ऐनो परिवार नावड़ां म्हो नकळें आयं।फेर नूहा वे एक वेदी बणावीं जे बलिदान सड़ावां नें काम आवे सके। अने हंगला तरेह नां जन्तुओं नू बलिदान सड़ायू तें, परमेश्वर तणां बलिदान थकी राजु थायो अनें नूूहा अनें ऐनां परिवार ने आसीस आली। फेर परमेश्वर वे नूहा थकी केदू के हूं तमां हाते वासा बान्दो हे के हेता पराणी फेर पाणी नं जल परलय थकी नाश या खत्म नें थाय। अनें दनियां ने नाश करवा हारु फेर जल परलय नें थाय फेर मनखा नानपोण हं पाप केम ने करे।परमेश्वर वे केदू के में वादळं मं ऐक कबण मेल्यू हें इं मारें अनें दनियं नें विसाळां मं वासा नी निसाणी हें। जरा हूं दनियं नें ऊपर वादळं नें पोस्तं करुं तरां वादळं मां कबाण देखाऐ जाहें।ऐने हमकवानू के तेरां जल परलय ने थाय जेरां के हंगला पराणी नाश नें थायें!
बाइबल नीं वारतां मं उत्पति 6-8
