6.परमेश्वर वें इसाहक नें हारु बन्दोबस्त करयों
जरां अब्राहम डोहों थाई गयों तरां ऐनों सोरों इसाहक जोवनीं मं वदीं गयों, अब्राहम वें ऐनां नोकर नें केदूं कें तूं मारा देश मं जायेंन मारास परिवार माहीं मारां सोरां इसाहक नें हारु बइयेर लें आव।
ऐक मोटीं लाम्बीं यात्रा नें बाद,अब्राहम नों नोकर ऐवां परिवार नां गाम मं गयों, तां परमेश्वर वें ऐनीं भक्तणीं रिबका नें नोकर नें हामीं काडीं इं अब्राहम नें भाई नें सोरीं हेथीं। रिबकां ऐनां परिवार नें सोड़ेंन अब्राहम नां नोकर नें हातें आवां हारु राजूं थाई गयीं। रिबकां जरां इसाहक नें घेर आवीं तरां अणें शादीें करीं। घणां लाम्बां समय मं अब्राहम नीं मोत थाई गयीं, जीं वासा बान्धीं हेतीं तेनेस वाणयं परमेश्वर वें आसीस आलीं, इसाहक घणीस जातियां नों बां नहें बणें सकतों केम कें ऐनेंं भीं सोरों नहें। इसाहक वें परमेश्वर थकीं दूवां करीं अनें परमेश्वर वें ऐनेंं दूवां नें हामळीं। अनें रिबकां जोळवां सोरं नें हातें भारीं थाई । सोरं नें जनम नें पेंल , परमेश्वर वें रिबका थकीं केदूं कें मोटों सोरों नानां सोरां नें केवा मं रेहेंं। जरां रिबकां नें सोरं नें जणवां नों समय मेड़ आयों तरां जिं पेंल पेदां थायों इं रातों नकळों अनें बीजां नूं डिल सादरां नें वाणयं वांळ हेथूं। ऐतरें ऐनूं नाम ऐसाव पाड़ूं, वाहें ऐनों भाई ऐनां हाथ थकीं ऐनां पगलां नें हायेन पेदां थायों ,अनें ऐनूं नाम याकूब पाड़ूं।
बाइबल नीं वारतां मं उत्पति 24:1-25:26
