4. अब्राम ने हाते परमेश्वर नों वायदो
बाढ़ नां घणं वरह थाई गयां ऐनें बाद दनियं मं घणंस मनखं मं वदीं गयां अनें पूरीं दनियं मं ऐकस भाषां अनें बोलीें हेथीं अनें मनखें परमेश्वर नां केदेलां नहें मान्यू। परमेश्वर वें धरतीं नें माथें घणां मनखं वदवां नूं हुकम आल्यूं अनें ऐतरें ऐक हातें भेगां थाई गयां अनें ऐक सेर नें बणायूं।अणां मनखं मं घणीस मोटाई हेथीं अनें परमेश्वर वें जीं केदूं ऐनें माथें कइस वसांर नें करयों। फेर अणें हरग हुदीं लाम्बीं सोटीं बणावां नूं काम करूं। परमेश्वर वें देख्यूं कें हेतां ऐकस पाकतीं नं अनें अणनीं भाषां हेादीं ऐकस हें अनें अणवें काम होदों हरकोस सलूं करयों। अनें जीं थायें इं हेतां करवां नीं कोसीस करें हें पोण थावां नूं नहें। अनें ऐतरें परमेश्वर वें अणनीं भाषां (बोलीं)मं गड़बड़ीं दड़ देदीं अनें बाद मं पूरीं दनियां मं फेलायें गयां अनें तणां सेर नूं नाम बेबीलोन हेथूं जेनूं अरथ हें''- जेनूं कइस मतलब नहें।''घणस वरह बाद परमेश्वर ऐक आदमी थकीं वात करें तेनू नाम अब्राम हें । अनें परमेश्वर वें अब्राम थकीं केदूं कें ''तारां देश नें , अनें तारां बां नें घेर नें सोड़ेन तणां देश मं जां, जीं तनें हूं वताड़ें रयों हें।परमेश्वर नां वसन नें हातें-हातें अब्राम साल्यों अनें जणां देश नें परमेश्वर वें अब्राम नें वताड़यों हेथूं। अनें तां जावां नें हारु ऐनीं बइयेर सारैं , अनें जीं धन अणें भेगूं करयों हेथूं अनें जीं जानवर ऐनें हारान मं मळां हेंथां , आं हेथां लेंन कनान देश मं सालें पड़यों । अनें अब्राम घणां वरह होदों रयों । अनें फेर परमेश्वर वें अब्राम थकीं वासा नें बान्धीं अनें वासा ऐक अधिकार हें बेयं जणां नें वीस मं। परमेश्वर वें ऐनें थकीं केदूं कें ''तारें श्यारें मेर देंख'' केम कें जेतरीं जगाां तनें देखायें हें इं हेंथीं तनें अनें तारां परिवार नें आलें, हूं तनें आसीस आलें तारां नाम नें मोटूं करें । अनें हूं तारां माहीं ऐक मोटीं जात बणावें अनें हूं तारों परमेश्वर केवायें। अनें जीं तनें बरकत आलें तणन हूं आसीस आलें अनें जीं तनें कोसें , तनें हूं हराप आलें। अनें पूरी दनियां मं मनख तारां थकीं आसीस पाहें । परमेश्वर वें केदूं तमारें माहों ऐक आदमी नों खतनों थावां नों हें अनें जीं वासा तमारें अनें मारें वीस मं हें ऐनीं येस लिसणीं रेहें । अनें अब्राम वें वें आज्ञा नें मानीं।अब्राम वें परमेश्वर नीं वासा नें माथें भरोहों राख्यों अनें परमेश्वर वें केदूं कें अब्राम धरमीं हें , केम कें अणें परमेश्वर नीं वासा नें माथें भरोहों राख्यों हें । पोण अणनें ऐक समस्यां थाई कें पेटें कोय सन्तान नें हेथीं । ऐतरें नहें थायें सकतों कें अब्राम घणीस जातियों नों बां बणें सकतों।पोण अब्राम वें परमेश्वर नां वायदां नें माथें भरोहों राखेन अणें धारेण राखीं। ऐक दाड़ों, अब्राम, परमेश्वर नों परमपरधान याजक मलिकीसिदक थकीं मळों ।मलिकीसिदक वें अब्राम नें ऐवीं बरकत आलीं कें परम परधान भगवान नें तरफ थकीं, जीं आकाश अनें धरतीं नों अधिकारीं हें ,'' तूं धन्य थायें'' तरां अब्राम वें हेथीं वस्तुओं नों दसवों भाग आल्यों।
बाइबल नीं वारतां मं उत्पति 11-15
