8, परमेश्वर वें युसूफ अनें ऐनां परिवार नें वसाड़ों
घणं वरह बाद याकूब ,जरां डोहों थाई गयों ,अणयें ऐनां लाडलां सोरां युसूफ नें ऐनां भाई जीं डोगोर मं जानवरं नां टोळां नीं रखवाळीं करें हें अणनें देखवां नें हारु मोक्ल्योंयुसूफ नां भाई ऐनें थकीं वेर राखें हें जरां ऐनां भाई देखें कें अमारों बां हेतां करतां वदूं लाड युसूफ थकीं करें हें अनें युसूफ हपनां मं देखें हें कें इं हेंतां माथें राज करें हें । जरां युसूफ ऐनें भाईयां नें मेड़ आयों तरं अणें मारें -कूटें नें कणाक वेपारीं नें हाथमं वेसें देदों।
जरां ऐनां भाई घेर पासा आयां तरं अणवें युसूफ नां सितरा नें लेदों अनें ऐक बोकड़ा नें मारें नें तणां लोइ मं डूबाड़़ लेदूं। तरं अणवें तणां सितरां नें वताड़ें नें केदूं कें कणेक जगलीं जनावरें युसूफ नें खायें लेदों हें । अनें याकूब घणोस नरमायें गयों अनें वेपारीं युसूफ नें मिसर मं लें गयां । नील नदीं नें माथें वहेलूं मोटू ताकतवर देश हें । नोकर वेपारियां वें युसूफ नें ऐक धनीं सरकार नों अधिकारी नें गुलाम नें रुप मं वेसें देदों । युसूफ ऐनां स्वामीं नां घेर मं रेवां लाग्यों अनें परमेश्वर वें ऐनें आसीस आलीं । ऐनां स्वामीं नें बइयेर वें युसूफ थकीं केदूं कें ''मारे हातें हुयें जां '' पोण युसूफ वें नां के देदूं अनें केदूं कें हूं ऐतरों मोटूं भोन्डू काम करेंन परमेश्वर नों दुश्मन नें बणूं।''इं घणीस गुस्सा मं आवें गयी अनें अणयें युसूफ नें माथें झूठों हिंकां नों आरोप लगाड़ों अनें ऐनें जेल मं पूरी देदों। अनें इं जेल मं हूदों युसूफ परमेश्वर नें हातें वफादारीं थकीं बणेलों रयों । अनें परमेश्वर वें ऐनें आसीस आलीं।बेयं वरह थाई गयां ऐनें बाद मं होदों युसूफ जेल खानां मं बन्द हें । एक रातें जी मिसर नों राजा जीं फिरोन केवाऐ हें, अणे रातर मं बें हपना देख्यां ऐनें अणां हपना नूं अरथ वताड़वां वाळों केायं नहें।परमेश्वर वें यूसूफ नें ऐवूं दिमाग आल्यु हेथू की इं हपना नूं अरथ हमझे सकें। ऐतरें फिरोन वें यूसूफ नें जेल खाना म्हो तेड़े लेदों।यूसूफ वें ऐने हारु हपनां नूं अरथ वताड़यू अनें केदु के '' पूरां मिसर देश म्हं हात वरह होदूं बखे धान पाकहे अनें हात वरह होदों काळ (अकाल) पड़ें जाहें।फिरोन यूसूफ थकी घणों राजू थयों ,अनें यूसूफ नें मिसर मं बिजा नम्बर नों हेतं करतां मोटो आदमी मेल्योंं।यूसूफ वें हात वरह मं ताजी (बखे ने) उपज नं दाड़ं मं खावा हारु धान भेगू करवानू यूसूफ वे मनखं ने केदु। जरां अकाल (काळ) नां हात वर ऐवां आया कें मनखं कनें कइस खवानू खावा हारु ने हेथूं अनें पूरी धरती ने माथे अकाल फेलाऐ ग्यों तरां यूसूफ मिसर मं धान वेसवां वाळों बणे गयों।अकाल मिसर मंस नहें पड़यो पोण जां कनान मं यूसूफ नों परिवार रें हेें तां होदोंयाकूब वे ऐनां सोरां नें मिसर म्हां धान लाववा हारु मोक्लयों। यूसूफ नां भाइयां वे ऐनें नहें ओलख्यों जरां इं लाइन मं उबा हेता पोण यूसूफ वे अणन ओलखे लेदां। केम ऐनां भाई बदलाई ग्यां हे इं पारखवा हारु यूसूफ वे केदु '' हुं तमारो भाई यूसुफ हुं। समको नहे। तमे दुश्मनी ने हारु मिसर आवा वालां नें हाथमं वेसे देदो हेतो , पोण परमेश्वर वे ताजा हारु मोटाई करी ! तमो आवो अने मिसर मं रेजो, ऐतरे हूं तमने अने तमारां परिवार ने मिसर म्हां जी ताजाम ताजू हें इं तमनें आलें। जरां यूसूफ नं भाई ऐना बां याकूब कनें ग्या अने ऐने थकी केदु , यूसूफ अजु तक जीवतो हें। इं हामळें नेंं इं घणो राजू थायो।याकूब घणो डोहों थाई गयों , इं ऐनां परिवार नें हातें मिसर देश मं आयों अनें हेतां रेवां लाग्यां। अनें याकूब वें ऐनें मोत नें पेंल हेतां सोरं नें आसीस आलीं।परमेश्वर वें जीं वासा अब्राहम थकीं बान्धीं हेथीं, अब्राहम थकीं इसाहक अनें इसाहक थकीं याकूब अनें ऐनां बारें सोरां अनें तेनों परिवार मं, अनें बारें सोरं नीं सन्तान थकीं बारें गाोत्र बणीं गयां।
बाइबल नीं वारतां मं उत्पति 37-50
