9. परमेश्वर वें मूसा नें हादें केदूं
युसूफ नीं मोत थाई गयीं, ऐनों हेतों परिवार मिसर देश मं वहें गयां । घणस वरह होदा तां रयां अनें अणनें घणींस सन्तानें पेदां थाई । अनें इं इस्राएलीं केवायें हें।घणं वरह थाई गयां मिसर मं ऐक नवों राजां आयों अनेंं मिसर नां रेवासी युसूफ नें विहरें गयां हें अनें जिं काम अणें अणनीं मदद हारु करयों हेथूं । अणनें इस्राएलियां थकीं समक हेथी कें इं गणतीं मं वदूं हेथं । तणां समय मं फिरोन नों मिसर मं राज हेथूं, इस्राएलियां नें मिस्रियां नां गुलाम बणावें लेदां, मिस्रियां वें इस्राएलियां थकीं काठूं काम करायूं। आ होदां के मोटा-मोटां सेर अनें बग्लां बणावड़यां अनें काठें कामे अणनां जीवन नें घणूस गरीब बणावं देदूं हें , पोण परमेश्वर वें अणनें आसीस आलीं अनें अणनें वदूं सन्तानें पेंदां थाई । जरां फिरोन वें देख्यों कें इस्राएलियां नीं सन्तानें वदीं गयीं हें । तरां फिरोन वें ऐनीं हेथीं परजां नें हुकम आल्यों कें जेतरां भीं इस्राएलियां नें सोरं पेदां थायें अणनें मारें नाखों अनें नील नदीं मं फेकें दों । अनें ऐक इस्राएलीं महिलां वें ऐक सोरां नें जनम आल्यूं अनें घेर वाळां वें तणां सोरां नें हातें दे दूं। अणवें तणां सोरां नें टोपलां मं मेनेंन नील नदीं मं वेवाड़ देदूं सोरां नीं बेन सीटीं ऊबीं थायेंन देखें हें कें अणां सोरां नूं हूं थायें हें । अनें तणां टोपलां नें फिरोन नें सोरी वें देख्यों अनें सोरां नें होदों देख्यों अनें सोरां नें खुद नां सोरां नें वाणयं राखें लेदों । अनें इस्राएली बइयेर जीं कें सोरां नीं आई हेथीं तेनें सोरां नें दूध पावां राखें लेदीें। जरं इं सोरों मोटों थायों तरां फिरोन नीं सोरीं वें तेनूं नाम मूसा पाड़ू।ऐक दाड़ों जरां मूसों जोवन थाई गयों , तरां अणें देख्यों कें मिस्रि आदमी इस्राएलीं नें मारें हें तरां मूसा वें ऐनां हात वाळां नें वसाड़वां नीं कोसीस करीं अनें मूसा वें देख्यों कें ऐनें कोणें नहें देख्यों तरां अणवें तणां मिस्रि नें मारेंन डाटें देदो। पोण मूसा नें कोणेक वें मिस्रि नें मारतां देखें लेदों। जरां फिरोन वें आं वातं हामळीं तरां मूसा नें मारवां नीं कोसीस करीं। ऐतरें मूसों होनीं जगां देखेन डोगोर मं नाहें गयों। अनें मूसों मिसर थकीं घणें सीटीं डोगोर मं गोवाळ बणें गयों। अनें तणी जगां मं ऐक बइयेर नें हातें विवां करें लेदां। अनें ऐनें बेयं सोरां पेदां थायां।ऐक दाड़ो मूसों घेटलां नीं रखवाळीं करें हें । तरां ऐनें देख्यों कें झाड़ीं मं आग बळें हें । अनें झाड़ीं बळें हें पोण ओलातीं नहें। तरां मूसा तणीं जगां नें माथें जायें कें यें झाड़ीं केम नहें बळतीं अनें मूसों जरां झाड़ीं नें देखवां हारु जायें , तरां परमेश्वर वें ऐनें हादें केदूं ,हें मूसा , तारां पोगं माहं खाहड़ नें उतार दें अनें जणी जगां मं तूं उबों हें इं पवितर जगां हें।परमेश्वर वें केदूं कें '' में मारीं परजां, जीं मिसर मं हें अणनां दुःख नें खर-खर में देख्यों हें । ऐतरें तूं आव तनें हूं फिरोन कनें मोकलूं। अनें तूं मारी परजां नें फिरोन नें गुलामीं माहं सोड़वें अनें ऐनें कनान देश नीं धरतीं आलें जीं वासा में अब्राहम ,इसाहक अनें याकूब थकीं बान्धीं हें । मूसा वें केदूं '' जरां इं मनखं मनें पूसें कें तनें कोणें मोकलों हें ,तरां हूं तणां मनखं नें हूं कें '' परमेश्वर वें मूसा थकीं केदूं कें ,हूं जीं हें ऐस हें । अणं थकीं केवानूं कें जीं नाम हूं हें ,तणें मनें तमं कनें मोकलों हें अनें हमेसां नें हारु नाम आस रेहें।मूसा फिरोन कनें जावां हारु समकें गयो , पोण परमेश्वर वें ऐनीं मदद करीं अनें ऐनां भाई हारुन नें मोकलों अनें परमेश्वर वें मूसा अनें हारुन नें सेतावेन केदूं कें फिरोन घणों ढेड मनखं हें ।
बाइबल नीं वारतां मःं निरगमन 1-4
